ಟೆಹ್ರಾನ್: 5 ತೈಲ ಟ್ಯಾಂಕರ್ಗಳ ಮೇಲೆ ದಾಳಿ ಮಾಡಿದ ನಂತರ ಹಾರ್ಮುಜ್ನಲ್ಲಿ ಅಮೆರಿಕದ ಜಲಾಂತರ್ಗಾಮಿ ನೌಕೆಯನ್ನು ಇರಾನ್ ವಶಪಡಿಸಿಕೊಂಡಿದೆ.
ಹಾರ್ಮುಜ್ ಜಲಸಂಧಿಯ ಪ್ರವೇಶದ್ವಾರದಲ್ಲಿ ಅಮೆರಿಕದ ಮಿಲಿಟರಿಯ ‘ಅತ್ಯಂತ ಆಧುನಿಕ, ಸ್ಮಾರ್ಟ್’ ಮಾನವರಹಿತ ಜಲಾಂತರ್ಗಾಮಿ ನೌಕೆಗಳಲ್ಲಿ ಒಂದನ್ನು ವಶಪಡಿಸಿಕೊಂಡಿರುವುದಾಗಿ ಇರಾನ್ (Iran) ನೌಕಾಪಡೆ ಹೇಳಿಕೊಂಡಿದೆ.
ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ (IRGC) ನ ಅಧಿಕೃತ ಸುದ್ದಿವಾಹಿನಿ ಸೆಪಾ ನ್ಯೂಸ್ ಪ್ರಕಟಿಸಿದ ಹೇಳಿಕೆಯಲ್ಲಿ, ನೌಕಾಪಡೆಯು ಡೈವ್-ಎಲ್ಡಿ ಎಂದು ಗುರುತಿಸಲಾದ ಮಾನವರಹಿತ ಜಲಾಂತರ್ಗಾಮಿಯನ್ನು ಸಂಕೀರ್ಣ ಗುಪ್ತಚರ ಕಾರ್ಯಾಚರಣೆಯಲ್ಲಿ ವಶಪಡಿಸಿಕೊಂಡಿರುವುದಾಗಿ ತಿಳಿಸಿದೆ.
ಈ ಸಬ್ಮರ್ಸಿಬಲ್ ವಾಹನವು ವಿಶ್ವದ ಅತ್ಯಂತ ಆಧುನಿಕ ಸಬ್ಸರ್ಫೇಸ್ ವಾಹನ ತಂತ್ರಜ್ಞಾನವನ್ನು ಹೊಂದಿದೆ ಎಂದು ಅದು ಹೇಳಿದೆ. ಸೆರೆಹಿಡಿಯಲಾದ ವಾಹನದ ವೀಡಿಯೊವನ್ನು ಬಿಡುಗಡೆ ಮಾಡಿದೆ.
ಐಆರ್ಜಿಸಿ ತನ್ನ ವಾಯು ರಕ್ಷಣಾ ವ್ಯವಸ್ಥೆಗಳು ಹಾರ್ಮುಜ್ ಜಲಸಂಧಿಯ ಮೇಲೆ MQ-9 ರೀಪರ್ ಡ್ರೋನ್ ಅನ್ನು ಹೊಡೆದುರುಳಿಸಿವೆ ಎಂದು ಹೇಳಿಕೊಂಡಿದೆ.
ಯುಎಸ್ ಮಿಲಿಟರಿ ಕೂಡ ಒಂದು ಹೇಳಿಕೆಯನ್ನು ಬಿಡುಗಡೆ ಮಾಡಿದೆ. ಅದರ ಒಂದು ಸಬ್ಮೆರೀನ್ ಡ್ರೋನ್ ಒಂದು ದಿನದ ಹಿಂದೆ ಪ್ರಾದೇಶಿಕ ನೀರಿನ ಸಮೀಕ್ಷೆಯ ಸಮಯದಲ್ಲಿ ವಿಫಲವಾಯಿತು ಎಂದು ತಿಳಿಸಿದೆ. ಆ ಸಾಧನವು ಇರಾನ್ ವಶಪಡಿಸಿಕೊಂಡದ್ದೇ ಎಂದು ಉಲ್ಲೇಖಿಸಲಿಲ್ಲ.
