ಇರಾನ್ ಮೇಲೆ ಮತ್ತೆ ದಾಳಿ : ರೈಲು, ವಿಮಾನ ನಿಲ್ದಾಣ ಟಾರ್ಗೆಟ್‌ ಮಾಡಿ ಹೊಡೆದ ಅಮೆರಿಕ- ಕಹಳೆ ನ್ಯೂಸ್

ಟೆಹ್ರಾನ್: ಇರಾನ್‌ (Iran) ಮೇಲೆ ಅಮೆರಿಕ (US) ಮತ್ತೆ ದಾಳಿ ನಡೆಸಿದೆ. ಇರಾನ್‌ನ ಸೇತುವೆಗಳು, ಸಾರಿಗೆ ಮೂಲಸೌಕರ್ಯಗಳನ್ನು ಟಾರ್ಗೆಟ್‌ ಮಾಡಿ ಹೊಡೆದಿದೆ. ಇತ್ತ ಇರಾನ್‌ ಕೂಡ, ಕೊಲ್ಲಿಯಲ್ಲಿರುವ ಅಮೆರಿಕದ ಮಿತ್ರರಾಷ್ಟ್ರಗಳ ಮೇಲೆ ದಾಳಿ ಮಾಡಿ ಪ್ರತ್ಯುತ್ತರ ನೀಡಿದೆ.

ಇರಾನಿನ ಮಿಲಿಟರಿ ಸಾಮರ್ಥ್ಯಗಳನ್ನು ಮತ್ತಷ್ಟು ಕುಗ್ಗಿಸಲು ಗುರುವಾರ ಸಂಜೆ ಹೊಸ ದಾಳಿಗಳನ್ನು ನಡೆಸುತ್ತಿರುವುದಾಗಿ ಯುಎಸ್ ಸೆಂಟ್ರಲ್ ಕಮಾಂಡ್  ತಿಳಿಸಿದೆ. ಇದು ಅಮೆರಿಕನ್ ಪಡೆಗಳಿಂದ ಸತತ ಆರನೇ ದಾಳಿಯಾಗಿದೆ.

ಜಾಹೀರಾತು

ಜಾಹೀರಾತು

ಜಾಹೀರಾತು

ಜಾಹೀರಾತು

ಜಾಹೀರಾತು

ಜಾಹೀರಾತು

ಜಾಹೀರಾತು

ಜಾಗತಿಕ ತೈಲ ಮತ್ತು ಅನಿಲ ಸಾಗಣೆಗೆ ನಿರ್ಣಾಯಕವಾಗಿರುವ ಹಾರ್ಮುಜ್‌ ಜಲಸಂಧಿಯ ಬಳಿಯ ಇಸ್ಲಾಮಿಕ್ ಗಣರಾಜ್ಯದ ದಕ್ಷಿಣ ಭಾಗದಲ್ಲಿ ಎರಡು ಸೇತುವೆಗಳು, ಒಂದು ರೈಲ್ವೆ ನಿಲ್ದಾಣ ಮತ್ತು ವಿಮಾನ ನಿಲ್ದಾಣದ ಮೇಲೆ ದಾಳಿಗಳು ನಡೆದಿವೆ ಎಂದು ಇರಾನ್ ರಾಜ್ಯ ಮಾಧ್ಯಮ ವರದಿ ಮಾಡಿದೆ.

ಹಾರ್ಮುಜ್ಗನ್‌ನ ಪ್ರಾಂತ್ಯದ ಸೇತುವೆಗಳ ಮೇಲಿನ ದಾಳಿಯಲ್ಲಿ ಮೂವರು ಸಾವನ್ನಪ್ಪಿದ್ದಾರೆ. ಇರಾನ್‌ನ ಏಕೈಕ ನಾಗರಿಕ ಪರಮಾಣು ಸ್ಥಾವರವಿರುವ ಪಶ್ಚಿಮ ನಗರ ಬುಶೆಹರ್‌ನಲ್ಲಿ ಅಮೆರಿಕದ ಆಕ್ರಮಣದಿಂದ ಎರಡು ಸ್ಫೋಟಗಳು ಸಂಭವಿಸಿವೆ ಎಂದು ವರದಿಯಾಗಿದೆ.

ಏತನ್ಮಧ್ಯೆ, ಗಲ್ಫ್‌ನಲ್ಲಿರುವ ಅಮೆರಿಕದ ಮಿತ್ರರಾಷ್ಟ್ರಗಳು ಇರಾನ್‌ ದಾಳಿಗಳಿಗೆ ಪ್ರತಿಕ್ರಿಯಿಸಿವೆ. ಕುವೈತ್ ಶುಕ್ರವಾರ ಮುಂಜಾನೆ ತನ್ನ ವಾಯು ರಕ್ಷಣಾ ಪಡೆಗಳು ಮತ್ತೆ ಕ್ಷಿಪಣಿ ಮತ್ತು ಡ್ರೋನ್ ದಾಳಿಗಳನ್ನು ಎದುರಿಸುತ್ತಿವೆ ಎಂದು ಹೇಳಿದೆ. ಬಹ್ರೇನ್ ವಾಯುದಾಳಿ ಸೈರನ್‌ಗಳನ್ನು ಮೊಳಗಿಸಿದೆ.