ಕಚ್ಚಾ ತೈಲ ದರ ಭಾರೀ ಜಿಗಿತ : ಜೂನ್ ಬಳಿಕ ಸಾರ್ವಕಾಲಿಕ ಏರಿಕೆ-ಕಹಳೆ ನ್ಯೂಸ್

ಪರಿಣಾಮ ಏನು?
ಕಚ್ಚಾ ತೈಲ ಬೆಲೆ ಶೀಘ್ರವಾಗಿ ಏರುತ್ತಿರುವುದರಿಂದ ಜಾಗತಿಕ ಮಟ್ಟದಲ್ಲಿ ಸರಕು ಸಾಗಣೆ ವೆಚ್ಚ ಹೆಚ್ಚಾಗಲಿದ್ದು, ಹಣದುಬ್ಬರ ಮತ್ತೆ ಏರಿಕೆಯಾಗುವ ಆತಂಕ ಸೃಷ್ಟಿಯಾಗಿದೆ. ತೈಲ ಬೆಲೆ ಜಿಗಿತದಿಂದಾಗಿ ಏಷ್ಯನ್ ಷೇರು ಮಾರುಕಟ್ಟೆಗಳು ಹಾಗೂ ಹೂಡಿಕೆದಾರರಲ್ಲಿ ಅಸ್ಥಿರತೆ ಉಂಟಾಗಿದೆ.

ಇಂಧನ ಬೆಲೆ ಸತತವಾಗಿ 90 ಡಾಲರ್‌ ದಾಟಿ ಮುನ್ನುಗುತ್ತಿರುವುದು ಭಾರತ ಸೇರಿದಂತೆ ಪ್ರಮುಖ ಆಮದುದಾರ ದೇಶಗಳಿಗೆ ಆರ್ಥಿಕ ಹೊರೆಯಾಗಲಿದ್ದು, ಮುಂಬರುವ ದಿನಗಳಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ದರಗಳ ಮೇಲೆ ಪ್ರಭಾವ ಬೀರಬಹುದು.

ತೈಲ ದರ ನಿಗದಿ ಹೇಗೆ?
ಜಾಗತಿಕವಾಗಿ ತೈಲದ ಬಳಕೆ (ಬೇಡಿಕೆ) ಹೆಚ್ಚಾಗಿ, ಉತ್ಪಾದನೆ (ಪೂರೈಕೆ) ಕಡಿಮೆಯಾದಾಗ ಬೆಲೆ ಏರುತ್ತದೆ. ಉದಾಹರಣೆಗೆ ಕೋವಿಡ್ ಸಮಯದಲ್ಲಿ ವಿಶ್ವಾದ್ಯಂತ ಲಾಕ್‌ಡೌನ್‌ ಹೇರಲಾಗಿತ್ತು. ಬೇಡಿಕೆ ಕಡಿಮೆಯಾಗಿದ್ದರಿಂದ ಬೆಲೆಗಳು ಬಹಳ ಇಳಿಕೆಯಾಗಿದ್ದವು. ಈಗ ಪೂರೈಕೆಯಲ್ಲಿ ಸಮಸ್ಯೆಯಾಗುತ್ತಿರುವ ಕಾರಣ ಬೆಲೆ ಏರಿಕೆ ಕಾಣುತ್ತಿದೆ.

ತೈಲವು ಹೆಚ್ಚಾಗಿ ಕಮೋಡಿಟಿ ಎಕ್ಸ್ಚೇಂಜ್‌ಗಳಲ್ಲಿ ವ್ಯವಹಾರ ನಡೆಸುತ್ತವೆ. ಬ್ರೆಂಟ್‌ ಕಚ್ಚಾ ತೈಲ ಲಂಡನ್‌ನಲ್ಲಿರುವ ಇಂಟರ್‌ಕಾಂಟಿನೆಂಟಲ್‌ ಎಕ್ಸ್‌ಚೇಂಜ್‌ನಲ್ಲಿ, ಅಮೆರಿಕದ ಡಬ್ಲ್ಯೂಟಿಐ ತೈಲ ನ್ಯೂಯಾರ್ಕ್‌ ಮರ್ಕಂಟೈಲ್‌ ಎಕ್ಸ್‌ಚೇಂಜ್‌ ವ್ಯವಹಾರ ಮಾಡುತ್ತದೆ. ಇಲ್ಲಿ ಹೂಡಿಕೆದಾರರು ಭವಿಷ್ಯದಲ್ಲಿ ತೈಲದ ಬೆಲೆ ಎಷ್ಟಿರಬಹುದು ಎಂಬ ಅಂದಾಜಿನ ಮೇಲೆ ಒಪ್ಪಂದಗಳನ್ನು ಮಾಡಿಕೊಳ್ಳುತ್ತಾರೆ. ಈ ಫ್ಯೂಚರ್ಸ್ ಕಾಂಟ್ರಾಕ್ಟ್‌ಗಳು ಇಂದಿನ ಬೆಲೆಯನ್ನು ನಿರ್ಧರ ಮಾಡುತ್ತದೆ.