ಭಾರತ – ಯುಎಸ್ ವ್ಯಾಪಾರ ಒಪ್ಪಂದ 99% ಪೂರ್ಣ – ಶೀಘ್ರದಲ್ಲೇ ಫೈನಲ್ ಡೀಲ್ ನಿರೀಕ್ಷೆ- ಕಹಳೆ ನ್ಯೂಸ್
ನವದೆಹಲಿ/ವಾಷಿಂಗ್ಟನ್: ಭಾರತ ಮತ್ತು ಅಮೆರಿಕದ ವ್ಯಾಪಾರ ಒಪ್ಪಂದಕ್ಕೆ ಸಂಬಂಧಿಸಿದ ಮಾತುಕತೆಗಳು 99% ಪೂರ್ಣಗೊಂಡಿದೆ. ಶೀಘ್ರದಲ್ಲೇ ಅಂತಿಮ ಒಪ್ಪಂದ ಏರ್ಪಡುವ ನಿರೀಕ್ಷೆಯಿದೆ ಎಂದು ಯುಎಸ್ ರಾಯಭಾರಿ ಸೆರ್ಗಿಯೊ ಗೋರ್ ಹೇಳಿದ್ದಾರೆ.
ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (IIT) ದೆಹಲಿಯಲ್ಲಿ ʻಯುಎಸ್ ಇಂಡಿಯಾ ಟ್ರಸ್ಟ್ ಇನಿಶಿಯೇಟಿವ್: ಅಡ್ವಾನ್ಸಿಂಗ್ ಪಾರ್ಟ್ನರ್ಶಿಪ್ ಇನ್ ರಿಸರ್ಚ್ ಅಂಡ್ ಇನ್ನೋವೇಶನ್ʼ ವಿಷಯ ಕುರಿತು ನಡೆದ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.
ಭಾರತ – ಅಮೆರಿಕ ನಡುವೆ 99% ಮಾತುಕತೆಗಳು ಪೂರ್ಣಗೊಂಡಿದ್ದು, 1% ಮಾತ್ರ ಬಾಕಿಯಿದೆ. ಉಭಯ ರಾಷ್ಟ್ರಗಳು ಶೀಘ್ರದಲ್ಲೇ ಒಪ್ಪಂದಗಳಿಗೆ ಸಹಿ ಹಾಕಬಹುದು ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಒಪ್ಪಂದ ಉಳಿದ ವಿವರಗಳನ್ನ ಫೈನಲ್ ಮಾಡಲು ಭಾರತೀಯ ಸಮಾಲೋಚಕರು ಇತ್ತೀಚೆಗೆ ವಾಷಿಂಗ್ಟನ್ಗೆ ಭೇಟಿ ನೀಡಿದ್ದರು. ಅದೇ ರೀತಿ ಮುಖ್ಯ ವ್ಯಾಪಾರ ಸಮಾಲೋಚಕರನ್ನೊಳಗೊಂಡ ಯುಎಸ್ ನಿಯೋಗವು ಜೂನ್ 1 ರಿಂದ 4 ರ ವರೆಗೆ ಒಪ್ಪಂದಗಳ ಕುರಿತು ಚರ್ಚೆ ಮುಂದುವರಿಸಲು ಭಾರತಕ್ಕೆ ಭೇಟಿ ನೀಡಲಿದೆ ಎಂದು ತಿಳಿಸಿದ್ದಾರೆ.
