ಬಂದಾರು ಹಾಲು ಉತ್ಪಾದಕರ ಮಹಿಳಾ ಸಹಕಾರಿ ಸಂಘಕ್ಕೆ ಗ್ರಾಮ ಪಂಚಾಯತ್ ವತಿಯಿಂದ ಕಾಂಗ್ರೀಟ್ ರಸ್ತೆ, ಇಂದು ಅಧಿಕೃತ ಚಾಲನೆ – ಕಹಳೆ ನ್ಯೂಸ್
ಬಂದಾರು : ಬಂದಾರು ಹಾಲು ಉತ್ಪಾದಕರ ಮಹಿಳಾ ಸಹಕಾರಿ ಸಂಘ ಮತ್ತು ಹೈನುಗಾರರ ಮನವಿಗೆ ಸ್ಪಂದಿಸಿದ ಬಂದಾರು ಗ್ರಾಮ ಪಂಚಾಯತ್ ತಮ್ಮ ವಿಶೇಷ ಅನುದಾನದ ಮೂಲಕ ಸು.1ಲಕ್ಷ ವೆಚ್ಚದಲ್ಲಿ ಸು.20 ಮೀಟರ್ ಉದ್ದದ ಕಾಂಗ್ರೀಟ್ ರಸ್ತೆ ನಿರ್ಮಿಸಿ ಕೊಡುವ ಮೂಲಕ ಸಹಕರಿಸಿದೆ, ಈ ರಸ್ತೆ ಕಾಮಗಾರಿಯನ್ನು ಸಿದ್ದಿಶ್ರೀ ಅಸೋಸಿಯೇಟ್ಸ್ ನ ಕೇಶವ ಗೌಡ ಇವರು ತ್ವರಿತವಾಗಿ ಮಾಡಿಕೊಟ್ಟಿದ್ದು. ಇಂದು ಬಂದಾರು ಗ್ರಾಮ ಪಂಚಾಯತ್ ನ ಅಧ್ಯಕ್ಷರಾದ ಪರಮೇಶ್ವರಿ. ಕೆ ಗೌಡ ಉದ್ಘಾಟಿಸಿ ಅಧಿಕೃತ ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷರಾದ ಮಮತಾ ಕೆಳೆಂಜಿಮಾರು, ಕಾರ್ಯದರ್ಶಿ ಭವ್ಯ ಕೆ. ಎಸ್, ಸಂಘದ ನಿರ್ದೇಶಕರು, ಸಿಬ್ಬಂದಿಗಳು, ಸದಸ್ಯರು ಹಾಗೂ ಪಂಚಾಯತ್ ವಾರ್ಡ್ ಸದಸ್ಯರಾದ ದಿನೇಶ್ ಗೌಡ ಖಂಡಿಗ ಹಾಗೂ ಗಣ್ಯರು ಉಪಸ್ಥಿತರಿದ್ದರು.
ಈ ಸಂದರ್ಭದಲ್ಲಿ ಹಾಲು ಉತ್ಪಾದಕರ ಸಹಕಾರಿ ಸಂಘದ ಅಧ್ಯಕ್ಷರಾದ ಮಮತಾ.ಕೆ ಪಂಚಾಯತ್ ಅಧ್ಯಕ್ಷರು, ಸಿಬ್ಬಂದಿಗಳು ಹಾಗೂ ವಾರ್ಡ್ ಸದಸ್ಯ ದಿನೇಶ್ ಕೆ ಇವರ ಸೇವೆಯನ್ನು ವಿಶೇಷವಾಗಿ ಅಭಿನಂದಿಸಿದರು, ಕಾಮಗಾರಿಯನ್ನು ಸುಸೂತ್ರವಾಗಿ ನೆರವೇರಿಸಿದ ಸಿದ್ದಿಶ್ರೀ ಅಸೋಸಿಯೇಟ್ಸ್ ನ ಕೇಶವ ಇವರನ್ನು ಅಭಿನಂದಿಸಲಾಯಿತು ಮತ್ತು ಸಹಕರಿಸಿದ ಎಲ್ಲರಿಗೂ ಕೃತಜ್ಞತೆ ಸಲ್ಲಿಸಿದರು. ಹಾಗೂ ಇನ್ನು ಮುಂದೆಯೂ ಸಂಘದ ಅಭಿವೃದ್ಧಿಗೆ ನಿರಂತರ ಸಹಕಾರವನ್ನು ಕೋರಿದರು
