ಜು.17ರಿಂದ ಜು.24 ರವರೆಗೆ ಪೋಳ್ಯ ಶ್ರೀ ಲಕ್ಷ್ಮೀವೆಂಕಟರಮಣ ಮಠದಲ್ಲಿ ಸ್ವಸ್ಥ ಸಮಾಜದ ಸಜ್ಜನ ಶ್ರೀ ಕೃಷ್ಣ ಭಕ್ತರಿಂದ ‘ಶ್ರೀಮದ್ಭಾಗವತ ಸಪ್ತಾಹ ಯಜ್ಞ- 2022’ – ಕಹಳೆ ನ್ಯೂಸ್
ಪುತ್ತೂರು: ಜು.17ರಿಂದ ಜು.24 ರವರೆಗೆ ಪೋಳ್ಯ ಶ್ರೀನಿವಾಸ ಪುರಂ ಶ್ರೀ ಲಕ್ಷ್ಮೀವೆಂಕಟರಮಣ ಮಠದಲ್ಲಿ ವೇದ ಮೂರ್ತಿ ಗೋಪಾಲಕೃಷ್ಣ ಭಟ್ಟ ನೂಜಿ ಇವರ ಉಪಸ್ಥಿತಿಯಲ್ಲಿ ಸ್ವಸ್ಥ ಸಮಾಜದ ಸಜ್ಜನ ಶ್ರೀಕೃಷ್ಣ ಭಕ್ತರಿಂದ ಶ್ರೀಮದ್ಭಾಗವತ ಸಪ್ತಾಹ ಯಜ್ಞ- 2022 ವಿವಿಧ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ನಡೆಯಲಿದೆ.
ಜು.17 ರಿಂದ ಜು.24ರವರೆಗೆ ಬೆಳಿಗ್ಗೆಯಿಂದ ಶರೀರಶುದ್ಧಿ, ಸ್ಥಳಶುದ್ಧಿ, ಮಹಾಸಂಕಲ್ಪ, ಗಣಪತಿಹೋಮ, ಕಲಶ ಪ್ರತಿಷ್ಠೆ, ಪ್ರವಚನ, ಮಹಾಪೂಜೆ, ನಡೆದು ಬಳಿಕ ಉದಕಶಾಂತಿ ಪಾರಾಯಣ ನಡೆಯಲಿದ್ದು, ಶ್ರೀ ವಿಷ್ಣುಸಹಸ್ರನಾಮ ಪಾರಾಯಣ ಪೂರ್ವಕ ಭಾಗವತ ಪಾರಾಯಣಾರಂಭ , ಮಧ್ಯಾಹ್ನ ಮಹಾಪೂಜೆ, ಪ್ರಸಾದ ವಿತರಣೆ ನಡೆಯಲಿದೆ. ಸಂಜೆ ಶ್ರೀಮತಿ ವಿಜಯ ಕುಮಾರಿ ಶೆಣೈ ಮತ್ತು ಬಳಗದವರಿಂದ ದಾಸ ಸಂಕೀರ್ತನೆ, ಸಂಜೆ 5ರಿಂದ ಕಥಾ ಪ್ರವಚನಾರಂಭ , ರಾತ್ರಿ ಮಹಾಪೂಜೆ, ಮಂಗಳಾಶಾಸನ ನಡೆಯಲಿದೆ. ದಿನಂಪ್ರತಿ ವಿವಿಧ ತಂಡಗಳ ಕೂಡುವಿಕೆಯಲ್ಲಿ ದಾಸ ಸಂಕೀರ್ತನೆ, ಕಥಾ ಪ್ರವಚನಾ ನಡೆಯಲಿದೆ. ಹಾಗೆಯೇ ಪ್ರತಿ ದಿನ ರಾತ್ರಿ ಶ್ರೀ ದೇವರಿಗೆ ಮಹಾಪೂಜೆ ನಡೆದು ಮಂಗಳಾಶಾಸನ ನಡೆದ ಬಳಿಕ ಪ್ರಸಾದ ವಿತರಣೆ ನೇರವೇರಲಿದೆ.
