
ಚಿತ್ರದುರ್ಗ: ಮದುವೆಗೆ ಒಂದು ಹುಡುಗಿ ಸಿಕ್ತಿಲ್ಲ ಅನ್ನೋ ಕಾಲದಲ್ಲಿ ಇಲ್ಲೊಬ್ಬ ಯುವಕ ಒಂದೇ ದಿನ ಇಬ್ಬರು ಹುಡುಗಿಯರನ್ನು ಮದುವೆಯಾಗಿದ್ದಾರೆ. ಒಂದೇ ಕಲ್ಯಾಣ ಮಂಟಪಲ್ಲಿ ಒಬ್ಬ ವರ ಇಬ್ಬರು ವಧುವನ್ನು ಮದುವೆಯಾಗಿದ್ದಾರೆ. ಚಿತ್ರದುರ್ಗದಲ್ಲಿ ನಡೆದ ಒಂದು ಅದ್ಭುತ ಮದುವೆಯ ಸುದ್ದಿ ಎಲ್ಲೆಡೆ ಭಾರೀ ಸದ್ದು ಮಾಡುತ್ತಿದೆ. ಈ ಮದುವೆಯ ವಿಡಿಯೋಗಳು ಎಲ್ಲೆಡೆ ವೈರಲ್ ಆಗಿದ್ದು, ಜನರಲ್ಲಿ ನಾನಾ ಚರ್ಚೆಗಳನ್ನು ಉಂಟುಮಾಡಿದೆ.
ವಸೀಮ್ ಶೈಖ್ ಎನ್ನುವ ಯುವಕನನ್ನ ಇಬ್ಬರು ಸ್ನೇಹಿತೆಯರು ಮದುವೆ ಆಗಿದ್ದಾರೆ. ಶಿಫಾ ಶೈಖ್, ಜನ್ನತ್ ಮಖಂದರ್ ಎಂಬ ಇಬ್ಬರು ಸ್ನೇಹಿತೆಯರು ಒಬ್ಬನನ್ನೇ ಮದುವೆ ಆಗಿದ್ದು, ಚಿತ್ರದುರ್ಗದ ಹೊರಪೇಟೆಯ ವಸೀಮ್ ಜೊತೆ ಮದುವೆ ಮಾಡಿಕೊಂಡಿದ್ದಾರೆ. ಸದ್ಯ ಇಬ್ಬರು ಯುವತಿಯರ ಜತೆ ಆಗಿರುವ ಮದುವೆ ವೀಡಿಯೋ ಎಲ್ಲೆಡೆ ವೈರಲ್ ಆಗುತ್ತಿದೆ.














